Video ja lasihuvvon duođalašvuohta -bargobádji

22 – 23.4. (2 bv) dii. 10 – 16.00

Pokémon Go oahpistii máŋgasiidda lasihuvvon duođalašvuođa. Lasihuvvon duođalašvuođas albma, duođalaš birrasii lasihuvvo dihtoriin ráhkaduvvon sisdoallu. Video ja lasihuvvon duođalašvuohta –bargobájis govvet ja editeret video, man sáhttá geavahit oassin viidásut ollisvuođas: ruoktosiidduin, lasihuvvon duođalašvuođa elemeantan, márkanastimis dahje máinnusteamis. Sáhttit maid ovttas plánet, mo ovdamearkka dihte girjjálaš materiálas oažžu ealli materiála lasihuvvon duođalašvuođa vehkiin. Bargobájis ovdánit iskkademiid bokte ja ovddit hárjánupmi ii gáibiduvvo.

Guovtti beaivvi áigge iskkadit green screen –teknihka, mainna video duogáža sáhttá lonuhit editerenmuttus dahje guođđit duogáža čađačuovgin. Boađusin šaddá videomateriála, man sáhttá atnit ávkin oassálastiid iežas prošeavttain. Bargobáji ollašuhttin ja sisdoallu huksejuvvo oassálastiid sávaldagaid vuođul.

Bargobádji lea geavatlaš ja dan áigge oahpásmuvvat vuođđo videoediteremii sihke govvemii. Oassálastit sáhttet buktit fárusteaset iežaset dihtora, kámera, jierbmetelefovnna dahje eará dakkáračča. Kurssas geavahuvvon prográmma lea Adobe Premiere Elements. Videoid sáhttá govvet oassálastti iežas plána ja giehtačállosa mielde mo dárbu leš. Kurssa oahpahusgiellan lea sáme- ja suomagiella.

GOS Áilegas-guovddážis
GEASA Buohkaide, geat hálidit atnit ávkin video vejolašvuođaid ovdamearkka dihte oassin máinnusteami ja márkanastima. Iskkadit video maid oassin lasihuvvon duođalašvuođa.
JOĐIHEADDJIT Niki Rasmus ja Aleksi Ahlakorpi, Inarin Elokuvateollisuus Oy, sihke Outi Laiti, Ohcejoga gielda
BARGOBÁDJI lea nuvttá, muhto dat gáibida ovddalgihtii almmuheami maŋimustá 17.4.2017. Almmuheamit outi.laiti@utsjoki.fi dahje 040-6672229. Skuvlejumi ordne Ohcejoga gieldda VirtuálaÁilegas-fidnu.