Ohcejoga ealligovvateáhtera rahpan geasuhii ollu olbmuid Áilegas-guovddážii

Ohcejoga ealligovvateáhtera doaibma álggahuvvui Sámevarra-ealligova vuosttaseahkediin bearjadaga 29.9. Vuosttaseahkeda vahkkoloahpas 30 báikki teáhter geasuhii geahččiid lahka ja guhkkin – vahkkoloahpa áigge gallededje 110 olbmo! Vuosttas lassečájáhus maŋŋá galledeaddjin ledje jo 128 olbmo!
Ealligovvateáhter álggahii doaimmas Áilegas-guovddáža máttabeale dálus. Ohcejoga gieldda kulturdoaibma oaččui Suoma ealligovvavuođđudusas rusttetháhkandoarjaga sihke investerenruđa gieldda ealligovvadoaimma álggaheami várás.

– Ealligovvateáhter lea huksejuvvon sálii, mii lei dálu álgoáiggiid 1930-logus nieiddaid oađđensálen. Lei fiinna ášši rahpat ealligovvadoaimma aiddo Sámevarra-ealligovain. Dán vurddiimet oppa jagi ja galhan dat lea fiinna oaidnit barggu bohtosa geavadagas: oaččuimet olbmuide sirdit dan vásáhusa, man leimmet plánenge, muitala Áilegas-guovddáža koordinerejeaddji prošeaktabargi Outi Laiti

Maiddái girjerádjo- ja kulturdoaimma Tuija Guttorm lea duđavaš ealligovvateáhtera vuostáváldimii.

– – Jurdda ealligovvateáhterdoaimma joatkimis lea leamaš dan rájes, go ealligovaid digitalisašuvnna mielde fertii doaimma gaskkalduhtit. Máilbmi lea goit nuppástuvvan, ja ealligovvadoaibma gilvala ain eambbo eará mediaiguin ja áiggigeavahanvugiiguin. Jáhkkit goitotge, ahte namalassii justa sámi ealligovva lea min ovdu ja erenoamášvuohta, daningo eará mediat fállet hui unnán sápmelaš sisdoalu. Sápmelašvarra -ealligova bures lihkostuvvan vuosttas eahketvahkkoloahppa muitala justa dan birra, ahte čájehemiin sámi ealligovaid vástidat sihke jerrui ja ovddidat giela ja kultuvrra ovdáneami.

Ealligovvateáhtera rusttegat devdet virggálaš Digital Cinema-standárddaid ja sadjejietnakanála lea 5.1 – dahjege teáhteris leat vihtta skájanasa sihke vuollegis dávjodagaid skájanas. Áilegas-guovddáža sále lea akustihkka dáfus dego dahkkon ealligovaid čájeheapmai. Geahččiid joavkkus lean ealligovvateáhterbuđaldeaddji attii hui positiiva máhcahaga ealligovvateáhtera jienanannemis iežas badjel duhát ealligovvateáhter vásáhusa vuođul.

Ealligovvateáhtera boahttevaš prográmmat sihke bileahtavuovdin gávdnojit Áilegas-guovddáža interneahttasiidduin. Prográmmat lasihuvvojit dađi mielde go ealligovaid čájehanbeaivemearit sihkkarastojuvvojit ja bileahtavuovdima sáhttá rahpat. Bileahtaid sáhttá oastit sierra Julius-várrenvuogádaga bokte ja seammás válljet báikki geahččiidoasis. Dál bileahtavuovdinvuogádaga doaimmas leat vel váilevuođat – máksojuvvon bileahtas ii boađe nannenteakstadiehtu. Vihki goit divvojuvvo. Báikevárren boahtá oidnosii vuogádahkii, nu ahte boahtima oktavuođas báikebileahta oažžu vel doaisttážii uksanjálmmis. Geahččiidoasi stuolut leat vel seamma dásis, muhto vejolašvuohta ordnet stuoluid buorebut čielggaduvvo. Sálei ollašuhttojuvvo maŋŋelut muttus maiddái ealligovvateáhterlágan hápmi.

Ealligovvateáhtera lassebuktagiid vuovdimis lea vástidan Ohcejohnjálmmi gilisearvi iežas bálvalussan.
Dás ovddos ealligovvateáhter joatká ovdáneami maid sámi ealligova lávdin. Dán jagi čájehuvvo ainjuo davvisámegielat Mumeniid diidadálvi (Muumien taikatalvi). Dasa lassin čájehuvvojit Napapiirin sankarit 3, Yösyöttö, Tuntematon sotilas sihke Star Wars: The Last. Jedi seamma vuosttaseahketčájáhusritmas eará teáhteriiguin. Ealligovvateáhtera boahttevuođaplánain leat ainjuo ealligovvariekkis, iežas ealligovaid buvttadeapmi, temáealligovvaeahkedat, máilmmi opera dahje eará konsearttat njuolggorávdnjemiin … Doaivvu mielde olbmot sávvet roahkkadit ja addet doaimmas máhcahaga, de mii geahččalat álo resurssaid olis vástidit aiddo geahččiid sávaldagaide. Dát lea máŋgasii mis váimmuášši, dasgo ealli govva geasuha ain dál digitálaáiggege.
Buresboahtin geahččat ealligovaid!

Lassidieđut:
Tuija Guttorm
Girjerádjo- ja kulturdoaimmahoavda
tuija.guttorm@utsjoki.fi
040 181 0260

Sadjái laktáseaddji gažaldagat:
Outi Laiti
Áilegas-guovddáš
outi.laiti@utsjoki.fi
040 667 2229