Ohcejoga ealligovvateáhtera namma lea Davvenásti!

Čuvgehuslávdegoddi lea válljen čoahkkimisttis 26.10.2017 Ohcejoga ealligovvateáhterii nama Davvenásti. Jagi ealligovvabileahtaid vuittii Jaana Ruokolainen, lihku Jaanai!
Lávdegoddi ákkastalai válljema ee. čáppa sámegielat namain ja davvenásttiin, mii lea gieldda vearjogovas. Lávdegoddi giitá aktiivvalaš oassálastimis nammagilvui ja buriin evttohusain.
Mearreáiggi 19.10. dmu 16:00 rádjai bohte 18 nammaevttohusa Ohcejoga ealligovvateáhtera nammadeami várás. Ealligovvateáhtera virggálaš rahpandoalut leat ođđajagimánus 2018.