Mumeniid diidadálvi otne

Ohcejoga ealligovvateáhter Davvenásti čájeha Mumeniid diidadálvi-ealligova almmá suomagielat teavsttaid haga. Suomagillii hállojuvvon Muumien taikatalvi čájehuvvo sierra čájáhussan 3.12.2017. Lassečájáhusat ordnejuvvojit dárbbu ja vejolašvuođaid mielde.
Ealligovvateáhtera bileahttavuovdimis ovdal filmma ja eará vuovdimiin dán oktavuođas vástida 1.12. rájes Ohcejohnjálmmi skuvlla leairaskuvladoaibmagoddi. Bileahtaid sáhttá oastit ovddalgihtii fierpmis čujuhusas http://ailegas.fi/davvenasti/ dahje várret riŋgemiin girjerádjui dan rabasáigge (040- 181 0261).