Meahciráđđehus rahpá ovttas Ohcejoga gielddain áššehasbálvalan- ja turismarávvenbáikki Ohcejohkii geassái

Govva: Gaskaboddasaš doaibmasajis sáhttá oahpásmuvvat čuoikkaid eallimii. Áššehasrávvedeaddji Kaisa Tikka addá rávvagiid Ohcejoga geinnodagaide ja oahpista áššehasaid turismabálvalusaid lusa (Meaciráđđehus /Tarja Tuovinen).

Dieđahus. Almmustahttojuvvon: 14.06.2017, 15:15
Meahciráđđehus

Giđđat dollabuollimis buollan Ohcejoga luondostobu sadjái rahppojuvvo geassái gaskaboddasaš áššehasbálvalanbáiki Áilegas-guovddáša doaibmasadjái. Báiki lea rábas 15.6.-15.9. gaskasaš áigge vuossárggas bearjadahkii dmu 10-17. Guovddáš lea Ohcejoga skuvlaguovddáža šilljus. Vejolaš ođđa luondostobu huksemis Meahciráđđehus mearrida maŋŋelis. Gilioidnosa fastudeaddji buollinsadji čorgejuvvo, go cahkkehuvvon buollima dutki polesis oažžut dasa lobi.

Rávvenbáikkis addit rávvagiid vánddardeapmai ja dárbbu mielde sáhttá ee. máksit guolástusdikšunmávssu dahje oastit gártta guvlui. Máiddái Geavu luonddumeahccái laktáseaddji buktagat leat vuovdinláhkai. Ohcejoga gieldda turismainfo doaibmá geassebaji seamma oktavuođas.

Doaibmasadjai čeggejuvvo Čuoika! -čájáhus, mii gullá Davvi-Lappi luondoguovddáš Siidda molsašuvvi čájáhusaide. Čuoika! –čájáhus ovdanbuktá divremáilmmi ilolaččat njimmi varranjammiid dahkamušaid. Teavsttat ja čuovgagovat áiccalmahttet maiddái olbmo ja dihto eallišlájaid gaskavuođa čuoikkaide.

Meahciráđđehus sávvá geasi galledeaddjiid buresboahttin!

Oktavuohtadieđut:
Ohcejoga luondostohpu, t. 0206 39 7792, utsjoki@metsa.fi
Uksačujuhus: Utsjoentie 46 c, 99980 Ohcejohka/Utsjoki