Ealligovvateahter Davvenásti Info

Prográmmas geahččalat váldit vuhtii sámekultuvrra – traileriid sajis sáhttit čájehit ovdamearkan sámi oanehisfilmmaid. Ealligovaid hárrái oažžu máiddái ovdanbuktit doaivagiid, prográmmii váldit vuostá doaivagiid álo vejolašvuođaid mielde goitotge nu, ahte máŋggabealatvuohta fálus ollašuvvá. Doaivagiid sáhttá evttohit šleađgaboasttain (outi.laiti@utsjoki.fi). Lágidat dárbbu mielde maiddái priváhtačájáhusaid ovdamearkan fitnodagaide. Čájáhusaid ja doaivagiid galgá evttohit áiggil, millosit aŋkke guokte vahku ovdal doivojuvvon čájehanáigemuttu.

Fuomášathan, ahte neahttalihppovuovdin giddejuvvo diimmu ovdal čájáhusa álgima. Báikki alde lihppovuovdin rahpasa sullii diibmobeali ovdal čájáhusa ja das sihke eará vuovdimis vástida Ohcejohnjálmmi skuvlla leairaskuvladoaibmagoddi. Báikki alde lihpuid sáhttá máksit dušše ruhtan gihtii.

Lihpuid buhtadeapmi: Jos oasttat lihpuidat ovddalgihtii, itge beasa ealligovvačájáhussii, sáhttit dutnje máhcahit vejolašvuođa várret Julius-dovddaldagaiguin báikki gosa nu nuppi čájáhussii. Dát eaktuda ákkastallon siva sihke eastagis almmuheami ovdal čájáhusa álgima juogo teakstasániin nummirii 040 667 2229 dahje šleađgaboasttain čujuhussii outi.laiti@utsjoki.fi

Teáhtera jienagivrodat: Ealligovvateáhtera jietnadássi lea álo menddo garas muhtun geahččiide. Ealligovaid jietnaráiddut čuojahuvvojit Suomas dávjá vuollegut jienain go buvttadanfitnodatsearvvit ávžžuhit. Teáhteriin ealligovaid jietnadássi muddejuvvo nu, ahte hállan gullo lunddolažžan. Eandalii doaibmaealligovain alimusjienat čájáhusain mannet badjel 100 desibela. Sosiála- ja dearvvasvuođaministeriija rávvaga mielde jiena alimusdásit eai oaččo mannat badjel 115 desibela. Rádjá lea seamma ovdamearkan konsearttain ja idjaklubbain. Alimus jienaid lassin sosiála- ja dearvvasvuođaministeriija ráva ráddje ealligovain eará dilálašvuođain nu gohčoduvvon gaskajienadási. Geavadagas rádjá oaivvilda, ahte ovdamearkan njeallje diimmu bisti dilálašvuođas oaččošii vuođđojurdagis čuojahit musihka dahje doallat ruoja, man jienagivrodat lea oppa áigge čuohte desibela. Ealligovaid buvttadanfitnodatsearvvit addet čájeheaddjiide iežaset ávžžhusaid das, makkár givrodagain ealligovaid jietnaráidu čuojahuvvo. (https://yle.fi/uutiset/3-6777335 )

Davvenásti gaskajietnadássi lea sullii 80 desibela ja alimus dásit 90 desibela. Dego konsearttain ja idjaklubbainge, iežas gullansujiid oažžu geavahit.

Ahkeráját: Ahkerájáiguin figgat várjalit mánáid sin ahkedási ektui vahátlažžan atnojuvvon sisdoalus. Ealligovaid ja TV-prográmmaid ahkeráját váruhit máná ovdáneapmai vahátlaš sisdoaluin. Dat eai leat ávžžuhusat, eaige muital man ahkejovkui prográmma lea oaivvilduvvon. Ahkeráját vuođđuduvvet govvaprográmmaláhkii, man ulbmilin lea várjalit mánáid. Ealligovvateáhterat galget sihkkarastit, ahte geahčči ahki reahkká ealligova geahččamii. Ealligovvateáhteriin ahkerájás sáhttá mieđihit golbma jagi, jos mánná lea fárrolágaid ollesolbmuin. Mieđiheapmi ii goitotge guoskka ahkerájá 18. Mieđiheapmi lea oaivvilduvvon máná fuolaheaddji vihkkedallama vulošin, iige dan gánnet geavahit automáhtalaččat. Fuolaheaddji lea buorre váldit vuhtii sihke iešguđege máná ovdáneami ja ealligova sisdoalu go vihkkedallá geavahago mieđiheami. (www.ikarajat.fi)