Arktinen Odysseia -stream Ohcejogas

Álbmotteáhter Willensaunas oaččui 9. njukčamánu máilmmi vuođđočájáhusa earenoamáš riikkaidgaskasaš oktasašbargui vuođđuduvvi Arktinen Odysseia.

Dan leat davvi álgoálbmogiin boahtti čájáhalli dáiddárat ovttas čohkken, ja dat lea persovnnalaš muitalusaide vuođđuduvvi dokumentáralaš gođa. Váibmosis lea gažaldat identitehtas: geat mii davvi álbmogiid olbmot rievtti mielde leat?

Lávddi alde deaivvadit golbma árktalaš álgoálbmogiid dáiddára. Ruonáeatnama álbmotteáhteris boahtti Connie Kristoffersen lea nuorra neavttár ja ruonáeatnanlaš máskadánssa máhtti olmmoš. Jagi sápmelažžan válljejuvvon Niillas Holmberg lea politihkalaččat aktiivvalaš máŋggasuorggi dáiddár ja nuorra sápmelašsohkabuolvva jietnadorve. Anra Naw lea Sibirjá nuortadavvi čiegas, Tšukotkas eret leahkki máinnasteaddji ja dáiddár, gii lea čohkken fámuidis čukčakultuvrra doalaheapmái. Njealjádin lávddi alde lea árvvus adnojuvvon ednomusihkkár ja komponista Tuomas Rounakari.

”Min vuolggasadjin lea leamaš dat jaskes diehtu, mii vuolgá čájáhalliin alddiset. Sii juhket geahččiiguin iežaset persovnnalaš, myhtalaš ja politihkalaš sáhkavuoruid, dokumentáralaš materiála, lihkastaga ja musihka. Ná oažžut gullamassii oaidninčiegaid árktalaš guovllus, mat eai muđuid šattašii vealtameahttumit gosge gullot. Oppa barggu rukses láigin lea gažaldat olbmo identitehtas oassin juoidá stuorábu”, bagadalli Jarkko Lahti govvida.

Ruska Ensemble lea ekologalaš teáhtera dahkki friija giette ensemble, geas Álbmotteáhtera váldohoavda Mika Myllyaho lea diŋgon árktalaš fáttáid gieđahalli trilogiija. Arktinen Odysseia lea trilogiija nubbi oassi. Ovddit oassi lei Áillohaš – beaivváža bárdni, man geahččit ja kritihkkárat rábmojedje. Arktinen Odysseia lea ollašuhttojuvvon oktasašbarggus Ruonáeatnama álbmotteáhter Nunatta Isiginnaartitsisarfia’in, Suomen Kansallisteatteriin sihke Ruska Ensemblein.

Čájáhallin oaidnit Niillas Holmberg, Connie Kristoffersen (Ruonáeatnama álbmotteáhter), Anra Naw ja Tuomas Rounakari (musihkkár).
BAGADEAPMI Jarkko Lahti
ČÁJÁHUSDRAMATURGIA Ari-Pekka Lahti
LÁVDELÁGIDEAPMI Katri Rentto
BIVTTASPLÁNEN Auli Turtiainen ČUOVGAPLÁNEN Nadja Räikkä JIETNAPLÁNEN JA MUSIHKKA Tuomas Rounakari KOREOGRAFIIJA Samuli Nordberg VIDEOPLÁNEN J-P Passi
BAGADALLI ASSISTEANTA Topi Marin
BUVTTADEAPMI Linda Lopperi / Ruska Ensemble, Suomen Kansallisteatteri sihke Nunatta Isiginnaartitsisarfia – Ruonáeatnama Álbmotteáhter

FUOMÁŠ! Striimi čájehuvvo du 30.3 diibmu 19!
Striimi čájehuvvo Áilegas-guovddážis (máttit dállu).
Lassedieđut: 040 1810260