Áilegas giellasiida

logot

Fidnu ulbmilin lea ovddidit Ohcejoga gieldda bálvalusorganisašuvdnan ja nannet bargiid bargoburesveadjima máŋggagielat ja -kultuvrralaš doaibmabirrasa geahččanguovllus. Dáid ulbmiliid bokte buoriduvvo guhkes áigegaskkain sámegielat ja sámekultuvrii gullevaš bálvalusbuvttadeami kvalitehta, produktivitehta ja mearri. Sámi giellalága mielde dain stáhta ja gieldda eiseválddiin, geat doibmet sámiid ruovttuguovllus, lea geatnegasvuohta fuolahit das, ahte sámegielat bálvalusat dorvvastuvvojit.

Konkrehtalaš ulbmilin lea buoridit Ohcejoga gieldda njunuš virgehálddašeaddjiid jođihančehppodaga bargiid ektui, ja dan boađusin olles bargoveaga bargoburesveadjima ja produktivitehta buorideapmi. Jođihančehppodaga ovddideami lassin eará konkrehtalaš ulbmilat produktivitehta buorideami geahččanguovllus leat rádjeguovlomáhttima sihke šleađgahámát bálvalusaid ja kommunikašuvnna čehppodaga ovddideapmi olles organisašuvnna siste.

Fidnu iešguđet doaibmabijuin vuodjut daidda váttisvuođaide, mat váikkuhit bargiid bargoburesveadjimii ja barggus ceavzimii. Dákkár doaibmabijut leat earret eará strategalaš jođiheami oahppanproseassa, bargoburesveadjinjearahallamat, njunušolbmuid skuvlejumit, kommunikašuvdna- ja diehtojuohkingeavadagaid ovddideapmi, rádjeguovloovttasbargui laktáseaddji čehppodat sihke giela ja kultuvrra skuvlejumit.

Fidnu boađusin Ohcejoga gieldda bargiid bargoburesveadjin ja barggus ceavzin leat buorránan danin, go njunuš virgehálddašeaddjiid jođihančehppodat bargiid ektui lea lassánan. Guhkes áigegaskkain eandalii sámegielat bálvalusfálaldat lea lassánan ja dan kvalitehta ja buvttadeapmi leat buorránan.

——————————————————————————————

Bures Boahtin Ohcejohkii! from Áilegas Guovddas on Vimeo.

——————————————————————————————

Fidnu ruhtadeaddjin lea Eurohpa sosiálafoanda sihke Ohcejoga gielda. Fidnu lea álgán 1.1.2015 ja bistá 30.06.2018 rádjai.

Áilegas giellasiida -prošeakta:

Ulla-Maija Uusitalo, 040 661 6641, ulla-maija.uusitalo(a)utsjoki.fi
Outi Laiti, 040 667 2229, outi.laiti(a)utsjoki.fi